4 hours ago
Swift News
ਬ੍ਰਿਟਿਸ਼ ਕੋਲੰਬੀਆ ਦੀਆਂ ਕਈ ਮਿਊਂਸਪੈਲਟੀਆਂ ਵਿੱਚ ਨਵੀਆਂ ਸਿਟੀ ਕੌਂਸਲਾਂ ਦੇ ਅਹੁਦਾ ਸੰਭਾਲਣ ਤੋਂ ਬਾਅਦ ਸੀਨੀਅਰ ਅਧਿਕਾਰੀਆਂ ਨੂੰ ਹਟਾਉਣ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਇਸ ਦੌਰਾਨ ਪਾਰਦਰਸ਼ਤਾ ਅਤੇ taxpayers ’ਤੇ ਪੈਣ ਵਾਲੇ ਖਰਚਿਆਂ ਬਾਰੇ ਸਵਾਲ ਉੱਠ ਰਹੇ ਹਨ। Metro Surrey ਦੇ ਰਿਸਰਚ ਡਾਇਰੈਕਟਰ ਇਰਤਜ਼ਾ ਅਹਿਮਦ ਮੁਤਾਬਕ, ਲੋਕ ਜਾਣਨਾ ਚਾਹੁੰਦੇ ਹਨ ਕਿ ਕਿਹੜੇ ਅਧਿਕਾਰੀਆਂ ਨੂੰ ਹਟਾਇਆ ਗਿਆ, ਕਿਉਂ ਅਤੇ ਇਸ ’ਤੇ ਕਿੰਨਾ ਖਰਚਾ ਆਵੇਗਾ। ਸਰੀ ਵਿੱਚ ਮੇਅਰ ਡੱਗ ਮੈਕਲਮ ਦੇ ਅਹੁਦਾ ਸੰਭਾਲਣ ਤੋਂ ਬਾਅਦ ਸੀਨੀਅਰ ਲੀਡਰਸ਼ਿਪ ਦੀ ਵੈੱਬਸਾਈਟ ਤੋਂ ਕਾਨੂੰਨੀ ਵਿਭਾਗ ਦੇ ਮੁਖੀ ਫਿਲਿਪ ਹੁਯਨ੍ਹ ਅਤੇ ਪਬਲਿਕ ਸੇਫਟੀ ਮੁਖੀ ਬ੍ਰਾਇਨ ਐਡਵਰਡਜ਼ ਦੇ ਨਾਮ ਹਟਾ ਦਿੱਤੇ ਗਏ। ਸਿਟੀ ਨੇ ਨਿੱਜਤਾ ਅਤੇ ਗੁਪਤਤਾ ਦਾ ਹਵਾਲਾ ਦੇ ਕੇ ਟਿੱਪਣੀ ਕਰਨ ਤੋਂ ਇਨਕਾਰ ਕੀਤਾ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਜਿਹੇ ਫੈਸਲਿਆਂ ਨਾਲ ਸੇਵਰੈਂਸ ਪੈਕੇਜਾਂ ਅਤੇ ਕਾਨੂੰਨੀ ਮੁਕੱਦਮਿਆਂ ਦਾ ਖਰਚਾ ਵਧ ਸਕਦਾ ਹੈ। ਨਿਊ ਵੈਸਟਮਿੰਸਟਰ ਵਿੱਚ ਮੇਅਰ ਡੈਨੀਅਲ ਫੋਂਟੇਨ ਦੀ ਕੌਂਸਲ ਨੇ 3.5 ਫੀਸਦੀ Climate Action Levy ਖ਼ਤਮ ਕਰ ਦਿੱਤੀ ਅਤੇ ਸਿਟੀ ਮੈਨੇਜਰ ਡੌਨੀ ਰੋਜ਼ਾ ਨੂੰ ਛੁੱਟੀ ’ਤੇ ਭੇਜ ਦਿੱਤਾ। ਵਿਰੋਧੀ ਕੌਂਸਲਰ ਤਾਸ਼ਾ ਹੈਂਡਰਸਨ ਨੇ ਪ੍ਰਕਿਰਿਆ ’ਤੇ ਸਵਾਲ ਚੁੱਕੇ, ਜਦਕਿ ਫੋਂਟੇਨ ਨੇ ਕਿਹਾ ਕਿ ਕੌਂਸਲ ਚੋਣ ਵਾਅਦੇ ਪੂਰੇ ਕਰ ਰਹੀ ਹੈ।