5 hours ago
Swift News
ਕੈਨੇਡਾ ਅਤੇ ਯੂਰਪੀ union ਡਿਜੀਟਲ ਸੁਰੱਖਿਆ, critical resources ਅਤੇ ਜੰਗਲਾਂ ਦੀ ਅੱਗ ਬੁਝਾਉਣ ਵਾਲੇ ਜਹਾਜ਼ਾਂ ਦੇ ਖੇਤਰ ਵਿੱਚ ਸਹਿਯੋਗ ਵਧਾਉਣ ਦੀ ਤਿਆਰੀ ਕਰ ਰਹੇ ਹਨ। 29 ਅਤੇ 30 ਅਕਤੂਬਰ ਨੂੰ ਮੌਂਟਰੀਅਲ ਵਿੱਚ ਹੋਣ ਵਾਲੇ summit ਤੋਂ ਪਹਿਲਾਂ ਸਾਹਮਣੇ ਆਏ ਇੱਕ ਖਰੜੇ ਮੁਤਾਬਕ, ਕੈਨੇਡੀਅਨ ਕੰਪਨੀਆਂ ਨੂੰ ਯੂਰਪ ਵਿੱਚ ਕਲਾਊਡ ਕੰਪਿਊਟਿੰਗ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਸਰਕਾਰੀ ਠੇਕਿਆਂ ਲਈ ਬੋਲੀ ਲਗਾਉਣ ਦਾ ਮੌਕਾ ਮਿਲ ਸਕਦਾ ਹੈ। ਇਸ ਦਾ ਮਕਸਦ ਅਮਰੀਕੀ ਤਕਨਾਲੋਜੀ ਕੰਪਨੀਆਂ ’ਤੇ ਨਿਰਭਰਤਾ ਘਟਾਉਣਾ ਹੈ। ਇਸ ਤੋਂ ਇਲਾਵਾ, ਕੈਨੇਡਾ ਨੂੰ ਯੂਰਪ ਦੇ ਗੈਲੀਲੀਓ ਸੈਟੇਲਾਈਟ ਨੈਵੀਗੇਸ਼ਨ ਸਿਸਟਮ ਨਾਲ ਜੋੜਨ ਅਤੇ ਕੈਨੇਡੀਅਨ critical resources ਵਿੱਚ ਯੂਰਪੀ ਨਿਵੇਸ਼ ਵਧਾਉਣ ਦੀ ਯੋਜਨਾ ਹੈ। ਦੋਵੇਂ ਧਿਰਾਂ 50 ਕੈਨੇਡੀਅਨ ਬਣੇ ਡੀ ਹੈਵਿਲੈਂਡ ਵਾਟਰ ਬੰਬਰ ਜਹਾਜ਼ ਖਰੀਦਣ ਦੀ ਵੀ ਯੋਜਨਾ ਬਣਾ ਰਹੀਆਂ ਹਨ, ਜਿਨ੍ਹਾਂ ਦੇ 2030 ਤੱਕ ਅੱਗ ਬੁਝਾਉਣ ਲਈ ਤਿਆਰ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਯੂਨੀਵਰਸਿਟੀ ਆਫ ਓਟਾਵਾ ਦੇ ਮਾਹਿਰ ਪੈਟਰਿਕ ਲੇਬਲੌਂਡ ਮੁਤਾਬਕ, ਅਮਰੀਕਾ ’ਤੇ ਨਿਰਭਰਤਾ ਘਟਾਉਣ ਲਈ ਦੇਸ਼ਾਂ ਦਾ ਇਕੱਠੇ ਹੋਣਾ ਵਾਸ਼ਿੰਗਟਨ ਲਈ ਚੁਣੌਤੀ ਬਣ ਸਕਦਾ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਕਤੂਬਰ ਦੇ ਅੰਤ ਵਿੱਚ ਯੂਰਪੀ ਆਗੂਆਂ ਦੀ ਮੇਜ਼ਬਾਨੀ ਕਰਨਗੇ।